THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.





Tamasha la Watani wa Jadi lasogezwa mbele

MTANDAO wa Wasanii Tanzania (SHIWATA) umesogeza mbele tamasha la Watani wa Jadi lililokuwa lifanyike 1/7/2012 katika Uwanja wa Taifa, Dar es Salaam hadi Sikukuu ya Iddi Mosi ambayo inatarajiwa kuwa 21 au 22 Agosti mwaka huu.

Tamasha hilo ambalo linawakutanisha Timu ya Simba Veteran na Yanga Veteran pia kutakuwa mchezo wa mieleka kati ya msanii wa filamu, Lumole Matovolwa (Big) na Roman Mng’ande (Romario) wa Msondo wanawake watakaopambana katika mieleka ni Mwajuma Jimama na Sophia Lubuva kutakuwa na Ngongoti Basketball.

Vikundi maarufu vya ushangiliaji Mpira Pesa cha Simba na Yanga Bomba (Yanga) vitapambana katika mchezo wa soka na baadaye kushangilia timu zao zikimenyana na bendi ya Msondo Music Band itatumbuiza.

Limeosogezwa mbele ili kutoa nafasi ya kutosha kwa ajili ya maandalizi ya timu za Simba na Yanga Veteran ambazo zitapambana siku hiyo, pia kutoa nafasi kwa mashabiki na watoto wengi zaidi kuweza kuhudhuria.

Pia filamu iliyochezwa na SHIWATA ya Kisufuria itazinduliwa. iliyowashirikisha wasanii maarufu kama Ahmed Olotu (Mzee Chilo), Big, Nisha, Haji Mboto na Mama Mau.

Madhumuni ya Tamasha hilo ni kukusanya fedha kwa ajili ya Ujenzi wa Nyumba za Wasanii na Waandishi wa Habari, zinazojengwa katika Kijiji cha Mwanzega, Mkuranga ambazo mpaka sasa nyumba tano (5) za kisasa zimejengwa.

Mwenyekiti wa SHIWATA,Cassim Taalib alisema kiongozi wa Yanga Veteran Bakari Malima (Jembe Ulaya) na kiongozi wa Simba Thomas Kipese wametamba kuonesha kazi siku hiyo.

Kipese akizungumza na mwandishi wa habari hizi alisema kuahirishwa kwa mpambano wao kunawapa nafasi wachezaji wake kujiandaa vizuri kwa mazoezi, naye Malima alisema wachezaji wake wako fiti wakati wote watakapohitajika kuingia uwanjani watashinda pambano hilo.

Wachezaji wa Simba wanajiandaa na pambano hilo ni Madaraka Suleiman, Abdul Mashine, Barnabas Sekelo, Said Kokoo, Boniface Pawasa,Duwa Said, Mrisho Moshi, Kamba Lufo, Malota Soma, Shabani Kisiga, Abubakar Kombo, Iddi seleman, Majuto Komu, Ramdhani Waso, Kelvin Mhagama, Issa Manofu na Kipese.

Nao wachezaji wa Yanga wanajiandaa na pambano hilo ni Peter Manyika, Mzee Abdallah, Anwar Awadh, Kenny Mkapa, Salvatory Edward, Shabani Ramadhani, Abdul Maneno, Steven Nyenge, Mohamed Hussen (Mmachinga), Edibilly Lwinyamila, Sekilojo Chambua, Thabit Bushako, Ally Mayay, Banza Tshikala na Malima.