THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.



Exclusive:Gari alilopata nalo ajali Waziri wa Habari, Vijana, Utamaduni na Michezo, Dk. Fenella Mukangara

 Hili ndilo gari ambalo alilokuwa akitumia Waziri  wa Habari, Vijana, Utamaduni na Michezo, Dk. Fenella Mukangara, na kuopata nalo ajali  juzi akiwa safarini kutoka Dodoma kuelekea jijini Mwanza kikazi.

Kamanda wa Polisi Mkoa wa Tabora, Antony Luta, alithibitisha kutokea kwa ajali hiyo majira ya saa 3:30 asubuhi katika Kata ya Nyandekwa wilayani Igunga mkoani hapa, ikihusisha gari lenye namba za usajiri STK 8780.

Luta alisema chanzo cha ajali hiyo ni mwendo kasi wa dereva wa basi la Green Star lenye namba za usajili T939 TRA ambalo lilikuwa likitokea Kahama kuelekea Dar es Salaam, alipokuwa akijaribu kulipita lori katika mlima huku gari la waziri huyo likitokea upande wa pili.

Dereva wa waziri aliyetambulika kwa jina la Saidi Komando, alijaribu kulikwepa basi hilo, lakini akashindwa na hivyo gari likapinduka mara tatu na kusababisha watu watatu akiwemo Waziri Fenella kujeruhiwa.

Kamanda Luta alisema mara baada ya ajali hiyo, waziri huyo na majeruhi wengine walikimbizwa katika hospitali ya wilaya ya Nzega kwa matibabu na kwamba mipango ya kuwahamishia katika Hospitali ya Mkoa wa Dodoma zinafanywa.
Dereva wa basi la Green Star, Daniel Chawa (32), alikamatwa baadaye na polisi wilayani Igunga, baada ya kuwa amekimbia awali na hivyo atafikishwa mahakamani.

Hali ya Dkt Mukangara inaendelea vizuri. Akiongea na Globu ya Jamii sasa hivi yupo Dar es salaam alikorejea jana jioni na kupata matibabu zaidi katika kitengo cha mifupa cha MOI hospitali ya Muhimbili. Amesema baada ya kuchukuliwa vipimo vyote ameonakana hana madhara mwilini zaidi ya michubuko na  majeraha mengine madogo. Anashukuru kwamba wote walikuwa wamefunga mikanda na kwamba air-bags za gari hilo zimeokoa maisha yao.

Amewashukuru sana madaktari wa Nzega na wa kitengo cha dharura cha Muhimbili ambao walimhudumia pamoja na wa hospitali ya Regency alikopatiwa vipimo vya CT-Scan. Pia anawashukuru watanzania wote waliomuombea nafuu, wakiongozwa na Rais Jakaya Kikwete




Kuna Maoni 5 mpaka sasa.

  1. Anonymous Anasema:

    mchuma wa maana ndio ukaona limefunguka airbag gari nzima sio ile nyingine iliyemuuwa yule mbunge hata airbag haina sijui ilikuwa ya mchina

    pole sana mh. waziri

  2. Anonymous Anasema:

    CT SCAN REGENT HOSPITAL BADALA YA HOSPITAL YA TAIFA?YALE YALE

  3. Anonymous Anasema:

    Tunamshukuru Mwenyezi Mungu kwa kumuokoa dada yetu Fenella. We mdau wa 06:23:00 PM kwani hujui madaktari wa Muhimbili wako katika mgomo, japo hao madaktari wanafiki "walimaliza kwa muda" mgomo wao kumtibu muuaji so-called "Dr" Ulimboka jana pale MOI?

  4. Anonymous Anasema:

    Mchangiaji wa pili, hamna hospitali inaitwa Regent. Kuna hospitali inaitwa Regency. Kama hujui, uliza. Ndiyo maana Waswahili wanasema kuuliza si ujinga........

  5. Anonymous Anasema:

    CT scan ya Muhimbili iliharibika miezikadhaa iliyopita.